វាក៏នឹងរួមបញ្ចូលផងដែរនូវសម្ភារៈបរិក្ខារដែលបម្រើឲ្យ"បន្ទប់ពិសោធន៍ដើម្បីធ្វើការសិក្សា" សម្រាប់សិស្សានុសិស្សឲ្យទទួលបានបទពិសោធន៍ក្នុងការរៀនដោយផ្ទាល់ ។ បន្ទប់ពិសោធន៍នេះរួមមាន:

​​

• ផ្ទះសំណាក់

• អាហារដ្ឋាន

• សាលពហុបំណង

• កន្លែងលក់ដូរ  

​

បន្ទាប់ពីទទួលបានដីទំហំ ១.៤ ហិកតានៅដើមឆ្នាំ២០១៤មក ដីនេះត្រូវបានចាក់បំពេញនៅឆ្នាំ២០១៦ ។ ជញ្ជាំង និងច្រកទ្វារត្រូវបានសាងសង់ក្នុងឆ្នាំ២០១៨ ហើយការិយាល័យបណ្តោះអាសន្នមួយត្រូវបានសាងសង់នៅឆ្នាំ២០១៩។  

ការ​សាងសង់​ភូមិ​អ្នក​សិក្សា​នឹង​ត្រូវ​ធ្វើ​ជា​ដំណាក់កាល។ ជំហានបន្ទាប់គឺត្រូវចាក់គ្រឹះសម្រាប់ទីតាំងទាំងមូល និងសាងសង់អគារដើម្បីសម្រួលដល់កម្មវិធីបណ្តុះបណ្តាល និងសកម្មភាពសហគមន៍។  

​​

ប្រសិនបើអ្នក ឬ ស្ថាប័នរបស់អ្នកចង់រួមចំណែកដោយផ្ទាល់ដល់ការកសាងវិទ្យាស្ថានភូមិអ្នកសិក្សា អ្នកអាចពិចារណាគម្រោង "ការឧបត្ថម្ភសាងសង់ជាបន្ទប់" របស់យើង។ តាមរយៈការឧបត្ថម្ភបន្ទប់នៅក្នុងវិទ្យាស្ថាន គឺមានន័យថាអ្នកកំពុងរួមចំណែកយ៉ាងសំខាន់លើការអប់រំ ។ ស្លាកឈ្មោះអ្នកឧបត្ថម្ភនឹងត្រូវបានបង្ហាញនៅខាងក្រៅបន្ទប់ ។ អ្នកក៏អាចបង្ហាញពីរឿងរ៉ាវរបស់អ្នកឧបត្ថម្ភរបស់អ្នក និងក្តីសង្ឃឹម និងក្តីសុបិនដែលអ្នកមានសម្រាប់សិស្សរបស់យើង។ សម្រាប់ព័ត៌មានបន្ថែម សូមទាក់ទងមកយើងខ្ញុំតាមរយៈអ៊ីម៉ែល៖ siloamcambodia@gmail.com

​

វាហាក់បីដូចជាគោលដៅធំ និងរឹងមាំក្នុងការកសាងវិទ្យាស្ថានបណ្តុះបណ្តាលដោយត្រូវការអ្នកឧបត្ថម្ភធំៗដើម្បីគាំទ្រគម្រោងនេះ ប៉ុន្តែយើងមើលឃើញថាវាមានសារៈសំខាន់ក្នុងការនាំការផ្លាស់ប្តូរដ៏យូរអង្វែងមកកម្ពុជា ។ ដូច្នេះ យើង​សុខចិត្ត​បោះជំហាន​បន្តិចម្តងៗ ហើយ​ធ្វើ​​វាឲ្យ​សម្រេច​បាន ។ យើងសង្ឃឹមថាអ្នកនឹងចូលរួមជាមួយយើងក្នុងដំណើរនៃការកសាងវិទ្យាស្ថាននេះដើម្បើប្រជាជនកម្ពុជាជំនាន់ក្រោយ ។ ប្រសិនបើអ្នកចែករំលែកទស្សនៈដូចគ្នាជាមួយពួកយើង ហើយចង់គាំទ្រដល់គោលដៅធំ និងមានការលើកទឹកចិត្តក្រុមរបស់យើងតាមមធ្យោបាយណាមួយ សូមទាក់ទងមកយើងខ្ញុំថ្ងៃនេះ!